Siglir tar il cuntegn
cuntegn

Exteriur Vicechancelier austriac Mitterlehner: «Jau chatt, ch’il è avunda»

Quai ha ditg il schef da la partida conservativa austriaca ÖVP e vicechancelier Reinhold Mitterlehner ed ha sa retratg la mesemna da tut ses uffizis politics.

Portrait Mitterlehner.
Legenda: Il conservativ Reinhold Mitterlehner (ÖVP) la mesemna a bun'ura durant sia declarazoiun avant las medias a Vienna. Keystone

Il conservativ Reinhold Mitterlehner (ÖVP) era vegnì l’ultim temp fermamain sut squitsch da sia atgna partida. El na vesia nagin sustegn cumplain pli e sa retiria per l'atgna protecziun, uschia ha argumentà Mitterlehner sia decisiun.

Co che Mitterlehner ha ditg la mesemna ad ina conferenza da medias, vegn l’ÖVP ha reglar la fin d’emna proxima sia successiun. Sco successur dad el vala il minister da l'exteriur e d'integraziun Sebastian Kurz.

RR novitads 15:00