Viagiar a travers l’Irlanda senza controllas da cunfin

La Gronda Britannia na vul era suenter l'extrada da l'Uniun europeica naginas controllas da cunfin sin l'insla da l'Irlanda. Quai propona il ministeri da la regenza britannica en ses sboz da posiziun davart il Brexit.

Ina velocipedista da viadi en l'Irlanda.

Legenda da maletgs: Nagins cunfins tranter l'Irlanda dal Nord e la Republica Irlanda – era en futur. Keystone

Era en futur na duai betg dar in cunfin fix tranter l’Irlanda dal Nord, che fa part a la Gronda Britannia e la Republica Irlanda che fa part a l’Uniun europeica. Burgais brits ed irlandais duain pudair sa muventar libramain, argumentescha il ministeri a Londra. Enstagl aviseschian ins ina nova cunvegna da duana cun l'UE.

Il status dal cunfin entaifer l'Irlanda è in tema central tar las contractivas dal Brexit.

RR novitads 08:00