Siglir tar il cuntegn
Inhalt

Exteriur Venezuela: Violenza tar la votaziun simbolica

Ina dunna è morta tar in'attatga armada sin in local d'elecziun inuffizial. Quatter ulteriuras persunas sajan vegnidas blessadas tar in sajettim sin ina protesta en la chapitala Caracas. Quai ha communitgà la procura publica.

Biro da votaziun.
Legenda: Participaziun er en il Mexico – tenor l'opposiziun èn sa partecipads er bunamain 700'000 Venezolans en l'exteriur a la votaziun. Keystone

En la Venezuela èn passa 7,1 milliuns persunas sa participadas a la votaziun simbolica davart la refurma da la constituziun dispitaivla dal president Nicolas Maduro. Quai han communitgà ils organisaturs da la votaziun suenter avair dumbrà 95% da las vuschs.

Encunter regenza Maduro, dentant senza vigur legala

Ils resultats concrets da la votaziun vegnan enconuschents il glindesdi. L’opposiziun aveva instradà la votaziun simbolica per pudair mussar si, che la maioritad da la populaziun saja encunter la constituziun dispitaivla da Maduro. La votaziun è spiramain simbolica e n’ha nagin caracter legal.

La regenza Maduro na renconuscha perquai betg la votaziun

Er bunamain 700'000 Venezolans en l'exteriur sajan sa participads, uschia scriva l'opposiziun. La regenza na renconuscha betg la votaziun.

RR novitads 06:00