Venezuela: Procuratura relaschada tema per sia vita

Luisa Ortega Diaz, la procuratura publica generala relaschada saja sin la fugia.

Luisa Ortega Diaz tema il mument per sia vita.

Legenda da maletgs: Luisa Ortega Diaz tema il mument per sia vita. Keystone

En la Venezuela tema la procuratura publica generala relaschada, Luisa Ortega Diaz, per sia vita. Ella saja sin la fugia, na reduceschia dentant betg ses cumbat per democrazia e libertad en la Venezuela, ha ditg Ortega Diaz a l'agentura da novitads Reuters. Ella midia mintga di ses zup e sa sentia permanentamain observada.

Il mars ha ella vulvì il dies al president Maduro ed è daventada ina ferma criticra dal schef da stadi. Lez ha liquidà il parlament cun installar ina radunanza constituenta. Ils Stadis Unids han decidì sancziuns cunter la Venezuela e Maduro tschertga il discurs cun Donald Trump.

Naziuns Unidas sa maschaidan en

Las Naziuns Unidas pretendan mesiras per la protecziun da la procuratura publica generala. Ortega Diaz deriva dal champ socialistic. Ella è daventada ils ultims mais la contrahenta la pli ferma da Maduro. Ortega Diaz renfatscha a Maduro d'avair cuntrafatg als dretgs umans. Plinavant renfatscha ella a la regenza ch'ella haja manipulà l'elecziun da la radunanza constituenta.

RR novitads 10:00