Venezuela: procuratura generala relaschada

L'assamblea constituenta ha relascha Ortega Díaz, procuratura generala e criticra dal president Nicolás Maduro.

Luisa Ortega Díaz durant in pled la fin fanadur.

Legenda da maletgs: Luisa Ortega Díaz è vegnida relaschada da ses post sco procuratura generala da la Venezuela. Keystone

La procuratura generala Luisa Ortega Díaz è ditg suandada fidaivlamain al president da stadi Nicolás Maduro. Dapi il mars ha ella dentant crititgà adina pli fitg ils divers manevers da Maduro. Avant la decisiun da l'assamblea constituenta aveva schuldada bloccà il ministeri dad Ortega Díaz e scumandà ad ella d'entrar.

La nov elegida assamblea constituenta ha blera pussanza. Commembers èn dentant bunamain mo aderents dal president Nicolás Maduro. Era sia dunna e ses figl fan part dal gremi.

commembers da la garda naziunala avant ils biros da la procura generala da la Venezuela

Legenda da maletgs: Commembers da la garda naziunala han serrà las entradas als biros da la procura generala. Keystone

L'opposiziun tema che la Venezuela daventia ina dictatura. Dapi passa 100 dis datti gia demostraziuns cunter il president Nicolás Maduro, 120 persunas han gia pers la vita. Cun la nova assamblea constituenta èsi saja però da temair che l'opposiziun perdia la forza da demonstrar, uschia rapportan agenturas da novitads.

RR novitads 18:00