Siglir tar il cuntegn

Exteriur Venezuela: Nagina amnestia per praschuniers politics

Il tribunal suprem da la Venezuela ha declerà ina lescha d’amnestia sco nunvalaivla. Tenor il president Nicolas Maduro na dettia quai nagins praschuniers politics en il pajais. I sa tractia plitost da criminals e da terrorists.

Nicolas Maduro discurra tar ina manifestaziun.
Legenda: Il president Nicolas Maduro pretenda ch'ì na dettia nagins praschuniers politics en il pajais. Keystone

La lescha cuntrafetschia a la constituziun, argumentescha la dretgira. La giustia en Venezuela stat datiers dal president Maduro. La lescha nova avess previs da laschar liber blers praschuniers politics. Approvà a lantschà la lescha aveva l’opposiziun che ha dapi las ultimas elecziuns la maioritad en il parlament

RR novitads 08:00