Siglir tar il cuntegn
Inhalt

Exteriur Venezuela: Nagin referendum cunter Maduro

L'opposiziun haja manchentà il termin per inoltrar las suttascripziuns, ha declerà il vicepresident Aristobulo Isturiz.

bler pievel che demonstrescha
Legenda: Tut ils protests n'han gidà nagut. I na dat nagina votaziun per relaschar il president dal pajais. Keystone

En la Venezuela na po il suveran betg votar davart la relaschada dal president Nicolas Maduro. Quai ha communitgà il vicepresident en la televisiun statala. L'opposiziun haja tranter auter manchentà il termin per inoltrar las suttascripziuns. L'uffizi d'elecziun ha dentant era laschà scader in termin per examinar las glistas.

Ils adversaris da Maduro han rimnà 1,8 milliuns suttascripziuns per pudair relaschar el da l'uffizi cun in referendum correspundent. Tenor enquistas actualas èn bunamain 70% dals Venezolans per relaschar Maduro e novas elecziuns.

La Venezuela stat avant il bancrut. Ella ha da cumbatter cun ina da las pli autas inflaziuns dal mund ed in dischurden economic.

RR novitads 22:00