Siglir tar il cuntegn

Header

cuntegn

Exteriur Venezuela na chatta nagin paus

En la Venezuela rinfatscha il parlament a la regenza d’avair violà la constituziun. Quai suenter che lezza aveva bloccà in referendum davart la relaschada d’uffizi dal president Nicolas Maduro.

La decisiun da la cumissiun electorala muntia la fin da l’urden constituziunal e correspundia ad in putsch dal reschim da Maduro,scriva il parlament che vegn dominà da l’opposiziun en ina decleranza.

L'opposiziun ha clamà si la populaziun da proteger activamain la constituziun. Els han annunzià la cuminanza internaziunala da far dapli squitsch sin la regenza da Maduro. La decleraziun da l'opposiziun ha dentant mo caracter simbolic. Cun questa na vegnan els buc da reveder la bloccada per il referendum davart la relaschada da Maduro.

La Venezuela patescha dapi ch'il pretsch d'ieli è crudà a bass. La crisa economica ha adina puspè chaschunà tumults e sblundergiadas. Tar protestas èn pliras persunas mortas. L'opposiziun fa responsabel Maduro e sia regenza per ils problems economics e vul perquai sfurzar el da sa retrair.

RR novitads 09:00

Artitgels legids il pli savens