Venezuela daventa cas per OAS

L'Organisaziun dals pajais americans (OAS) prenda en mira la situaziun en il pajais da crisa e vul far ina decleranza en chaussa.

President venezolan.

Legenda da maletgs: Il president venezolan perda adina dapli sustegn. Uss s'occupescha l'OAS da la situaziun. Keystone

L’OAS, l'organisaziun dals pajais americans, vul dar mesemna ina decleraziun areguard la Venezuela che sa chatta en la crisa. Questa proposta ha l'Argentina fatg. Ins veglia appellar al dialog tranter la regenza socialista dal president Nicolas Maduro e l'opposiziun.

L'opposiziun vul cupitgar Maduro cun in referendum. La regenza renviescha dentant las leschas correspundentas ch'il congress ha relaschà. Il congress vegn dominà da l'opposiziun, uschia l'argumentaziun.

La Venezuela ha da cumbatter cun il bass pretsch per l'ieli e nausch'administraziun. Mangiativas ed autras raubas èn pli e pli charas.

RR novitads 08:00