Siglir tar il cuntegn
Inhalt

Exteriur Venezuela – conflict s’intensivescha

En il conflict en Venezuela para la situaziun da s'intensivar. In decret uffizial da la regenza dat surtut al militar ma er al president Nicolas Maduro incumbensas supplementaras.

Maduro en ses biro.
Legenda: Nicolas Maduro, president en Venezuela - Il militar ed el survegnan tras in decret da la regenza dapli incumbensas. Keystone

Uschia po la regenza raziunar tras il militar en futur mangiativas ed il provediment cun energia. Er en il sectur da segirtad datti dapli cumpetenzas per il militar, las reglas novas valan uss per 60 dis e pon vegnir prolungadas per ulteriurs 60 dis.

L'opposiziun en Venezuela ha gia ordinà ina sesida extraordinaria dal parlament, en il parlament ha l'opposiziun dapi december la maioritad e vul relaschar Maduro cun in referendum sco president.

RR novitads 06:00