Siglir tar il cuntegn

Exteriur Venezuela banduna l'OAS

Il pajais veglia bandunar l'Organisaziun da stadis americans per salvar sia dignitad, independenza e suveranitad sco era per la pasch e l'avegnir da sia patria, ha scrit sin Twitter il ministra da l'exteriur Delcy Rodriguez.

Purtret da Delcy Rodriguez.
Legenda: La ministra da l'exteriur da Venezuela, Delcy Rodriguez. Keystone

Entamez il cumbat da pussanza tranter la regenza socialista e l'opposiziun extrescha la Venezuela ord l'organisaziun dals pajais americans OAS. «La Venezuela sa retiria da l'OAS per sia dignitad, independenza, suveranitad, per la pasch e l'avegnir da sia patria» ha scrit sin Twitter la ministra da l'exteriur Delcy Rodriguez.

Il pass succeda sin cumond dal president venezolan Nicolas Maduro. Il secretari general da l'OAS, Luis Almagro, ha adina puspè crititgà vehementamain la Venezuela e pretendì elecziuns novas.

RR novitads 06:00