Dapi la sonda è il cunfin tranter la Columbia e la Venezuela puspè avert permanentamain. Fin ussa hajan gia 127’000 Venezolans passà il cunfin per far cumissiuns en Columbia quai communitgescha l'autoritad d'immigraziun
Avant in onn aveva la Venezuela serrà il cunfin cun l'argumentaziun da vulair augmentar la segirezza ed il cumbat cunter activitads da cuntrabanda.
Pervi da la greva crisa economica n'èn bleras mangiativas da basa e medicaments betg pli da survegnir en la Venezuela. Perquai aveva il pajais adina puspè avert ils cunfins per pedunzs per che quels possian far lur cumpras en il pajais vischin.
