Siglir tar il cuntegn

Header

cuntegn

Exteriur Vatican: emprim process pervi d'abus sexual

A Ruma vegn in anteriur ambassadur papal, Josef Wesolowski, avant il tribunal dal Vatican pervi dal suspect d'avair mulestà sexualmain in uffant. Sco quai ch'il Vatican communitgescha cumenza il process ils 11 da fanadur.

A l'anteriur arz-uvestg vegn renfatschà d'avair mulestà uffants e d'avair possedì material pornografic d'uffants. Fin il 2013 è Wesolowski stà nunzi en la Republica Dominicana, nua ch'el duai avair malduvrà uffants. Papa Francestg aveva relaschà el suenter che las renfatschas èn vegnidas publicas. Il settember 2014 è l'um da 66 onns vegnì arrestà e mess sut arrest da chasa. Intgins mais avant aveva la congraziun degradà el en il stan da laic.

Vatican vul luvrar si detagliadamain

Sche Wesolowski vegn declerà culpant, sto'l quintar cun praschun fin a 12 onns. Quai è l'emprima giada ch'il Vatican fa il process pervi da mulesta sexuala cunter in aut spiritual. El ha declerà da vulair examinar detagliadamain las grevas renfatschas cunter Wesolowski.

RR novitads 14:00

Artitgels legids il pli savens