Siglir tar il cuntegn

Header

cuntegn

Exteriur Valls avertescha d’attatgas cun armas chemicas e biologicas

Manuel Valls ha avertì d'attatgas cun armas chemicas e biologicas. Els na dastgian excluder nagut, ha ditg il primminister da la Frantscha durant la debatta davart prolungar il stadi d'urgenza. L'assamblea naziunala ha lura decidì da prolungar il stadi d'urgenza sin trais mais.

L'assamblea naziunala da la Frantscha ha decidì da prolungar il stadi d'urgenza suenter las attatgas a Paris sin trais mais. La proposta da la regenza franzosa sto anc vegnir approvada dal senat avant ch'ella po entrar en vigur. Las cumpetenzas lubeschan a la polizia tranter auter d'arrestar pli simpel persunas suspectusas e da far razzias.

Durant la debatta ha il primminister franzos, Manuel Valls avertì d'attatgas cun armas chemicas e biologicas. I saja bain da far adatg cun talas constataziuns, dentant els sappian quai e sajan er conscient da quai, ha ditg Valls. Ses avertiment vegn 6 dis suenter las attatgas a Paris cun 129 morts e passa 350 blessads.

RR novitads 14:00

Artitgels legids il pli savens