Siglir tar il cuntegn
Inhalt

Exteriur «Vada a bordo, c****!» – 16 onns per chapitani Schettino

L'anteriur chapitani da la Costa Concordia, Francesco Schettino, sto definitivamain ir en praschun. La sentenzia è irrevocabla.

Portrait Schettino.
Legenda: «Vada a bordo, c****!» – il cumond per func da la guardia da costa a l'anteriur chapitani da la Costa Concordia Francesco Schettino è i enturn il mund. Keystone

La pli auta dretgira taliana ha confermà la sentenzia da 16 onns praschun cunter l'anteriur chapitani da la nav da cruschera. Il chasti cunter Schettino è però main aut che pretendì da la procura publica taliana. Quella aveva pretendì 26 onns praschun.

Catastrofa tar l'insla Giglio

Schettino aveva navigà la nav da cruschera cura che quella aveva fatg naufragi tar l'insla da Giglio avant la costa da la Toscana il schaner 2012. Tar la catastrofa eran vegnidas per la vita 32 persunas. Schettino aveva bandunà la nav malgrà ch'i aveva anc passagiers a bord. En tut eran 4'000 persunas a bord da la Costa Concordia.

Schettino snega d'esser culpaivel.

RR Novitads 21:00