L'organisaziun mundiala da la sanadad vul survegnir sut controlla il Virus dad Ebola en il Congo, cun in vaccin. Il vaccin è dentant experimental, ma pudess evitar ch'il virus sa derasa, ha annunzià la WHO.
Il substitut dal directur general da la WHO, Peter Salama, ha ditg ch'el spetgia da survegnir mintga di la lubientscha per duvrar il vaccin.
Ebola è in dals pli privlus virus dal mund. En il Kongo rumpa il virus adina puspè or. Uschia èn l’onn passà quatter persunas mortas.
RR novitads 15:00