La regenza americana vul far avanzar il svilup d'armas atomaras cun ina pli pitschna forza explosiva. Las midadas duain en emprima lingia starmentar la Russia, uschia statti scrit en in rapport davart la nova strategia nucleara ch'il Pentagon ha publitgà.
Entras las novas bumbas na duai l'arsenal d'armas dals Stadis Unids betg vegnir engrondì, ellas duain remplazzar las bumbas veglias. La regenza dal president Trump mida uschia il curs da l'anteriur president Obama ch'aveva la finamira da dischmetter las armas atomaras.
RR novitads 12:00