Siglir tar il cuntegn
Inhalt

Exteriur USA: Trump smanatscha a la Corea dal Nord

Il president american Donald Trump smanatscha che ses pajais saja era pront d'agir sulet cunter la Corea dal Nord.

Il president american Donald Trump vul en il mender cas agir sulet cunter la Corea dal Nord.
Legenda: Il president american Donald Trump vul en il mender cas agir sulet cunter la Corea dal Nord. Keystone

Ils Stadis Unids spetgan che la China persvadia la Corea dal Nord en connex cun il program d'atom dal pajais. Sche Peking na schlia betg il problem fetschian els quai. Quai ha il president american ditg a la gasetta «Financial Times».

Era l’ambassadura da las Naziuns Unidas, Nikki Haley, intimescha la China a chaschun d'ina intervista d’augmentar il squitsch sin la Corea dal Nord. La China saja il sulet pajais che pudess fermar ses confederà tradiziunal. La regenza dals Stadis Unids da l’America vegnia perquai vinavant a far squitsch sin Peking per agir encunter la Corea dal Nord.

Las remartgas ha Donald Trump fatg paucs dis avant il prim inscunter cun il president chinais Xi Jinping. Quel ha lieu gievgia che vegn en la Florida.

RR novitads 08:00