Fin ch’il process da sortir saja a fin sa participeschian ils Stadis Unids però vinavant als discurs da l’ONU, uschia il ministeri da l’exteriur american. La regenza americana vegnia spezialmain a prender part al proxim inscunter annual da las Naziuns Unidas, il COP23 a Bonn.
Il ministeri da l'exteriur amiercan ha en quest scriver communitgà la prontadad che gia il president american Donald Trump aveva accentuà: «Els sajan era pront da turnar a la cunvegna da clima – vegnessan els da negoziar cundiziuns pli favuraivlas».
La retratga da la cunvegna da l'onn 2015 duai probablamain ir en vigur ils 4 da november 2020, in di suenter la proxima elecziun dal president dals Stadis Unids da l'America. La finamira da la cunvegna è ch’il clima sa stgauda fin la fin dal tschientaner per main che dus pertschient – cumpareglià cun il temp preindustrial.
RR novitads 06:00