Siglir tar il cuntegn

Header

cuntegn

USA Scumandà novs telefonins da Huawei

Las restricziuns en il commerzi tranter China ed ils Stadis Unids s'engrondeschan. La regenza americana tema spiunascha tras ils telefonins da Huawei. Huawei è ina marca da la China.

Novs apparats da communicaziun da Huawei na dastgan betg pli vegnir vendids en ils Stadis Unids. L’import e la vendita da novs apparats sajan scumandads, ha communitgà l’autoritad da surveglianza da telecommunicaziun americana.

La regenza americana motivescha quest pass cun in ristg inacceptabel per la segirezza naziunala. Las reglas valan per apparats novs. I saja però era pussaivel da schlargiar quellas sin apparats pli vegls che sajan actualmain anc lubids, hai num. Ils Stadis Unids renfatschan al producider chinais da smartphone ina stretga colliaziun cun il stadi chinais. Els averteschan da spiunascha e sabotascha.

audio
Per tadlar: las novitads da las 09:00
ord RTR Audio dals 26.11.2022.
laschar ir. Durada: 3 minutas 50 Secundas.

RTR novitads 09:00

Artitgels legids il pli savens