Siglir tar il cuntegn
Inhalt

Exteriur USA: Refurma da taglia sa retardescha

La suttascripziun da la pli gronda refurma da taglia dals Stadis Unids da l'America dapi 30 onns sa retardescha per plirs dis.

Trump discurra da la refurma da taglias, davos el ils deputads.
Legenda: La refurma da taglia vala sco pli grond success da Trump dapi sia entrada en uffizi. Keystone

La raschun per quest retardament sajan scursaniziuns automaticas dal budget che possian vegnir activadas cun la nova lescha da taglia. Quai ha communitgà il cussegliader dal president, Gary Cohn, mesemna saira. Per evitar quai, stoppian excepziuns vegnir fixadas en il budget transitoric e quel sto esser sin maisa fin venderdi.

Donald Trump vegn pli probabel a suttascriver il venderdi questa refurma da lescha, ha Cohan ditg, suenter ch'il budget transitoric stat.

Sche betga, vegnin nus pli probabel a suttascriver l'emprima emna dal proxim onn.
Autur: Gary Cohncussegliader economic da Trump

La refurma da taglia daventa realitad

Mesemna aveva la refurma dumagnà ses ultim obstachel cun il gea en la chombra dals deputads. Quella vala fin ussa sco pli grond success da Donald Trump dapi sia entrada en uffizi avant 11 mais. El ha propagà da distgargiar blers burgais ed interpresas per pudair rinforzas l'economia. Cun questa refurma pudessan ils debits dals Stadis Unids dad actual 20 billiuns dollars entaifer diesch onns per ulteriurs 1,4 billiuns.

RR novitads 06:00