Siglir tar il cuntegn
cuntegn

Exteriur USA: Refurma da taglia custa a l'UBS 2,8 milliardas

Suenter la Credit Suisse uss er l'UBS: Las bancas grondas ston scriver giu milliardas pervia da la refurma da taglia en ils Stadis Unids.

Entrada da la banca UBS.
Legenda: La refurma da taglia americana custa milliardas a las bancas svizras: Er la UBS annunzia da scriver giu 2,8 milliards. Keystone

Sco quai ch'in pledader da l'UBS ha confermà envers la «SonntagsZeitung» scrivia la banca giu 2,8 milliardas francs. Quai capitia anc quest quartal. Uschia dastgass er il gudogn annual da l'UBS sa reducir. Cun la reducziun da la taglia sin il gudogn d'interpresa en ils Stadis Unids da l'America da 35 sin 21 pertschient perdan las bunificaziuns da taglia valita.

Il venderdi aveva gia la Credit Suisse fatg enconuschent ch'ella stoppia scriver giu 2,3 milliardas sin ses credits da taglia.

RR novitads 08:00