Cunter 38 firmas e singulas persunas han ils Stadis Unids proclamà sancziuns. Quai han auts represchentants da la regenza americana communitgà a Washington. Las sancziuns sajan coordinadas cun ils alliads europeics.
Basa per las sancziuns na saja betg in incap spezial, ellas sa basian sin il muster d'activitads maliziusas da la Russia en il mund che creschia adina dapli.
La Russia è sa decidida per in curs da confruntaziun.
La sancziuns na sajan dentant betg drizzadas vers la populaziun russa. Ils Stadis Unids sajan interessads da promover ina meglra relaziun cun la Russia. Quai funcziunia dentant mo sche Moskau sa cumportia auter e n'emprovia betg da destabilisar il mund.
Betg las emprimas sancziuns
Gia il mars aveva la regenza americana proclamà mesiras da chasti cunter 19 persunas e 5 organisaziuns da la Russia.
RR novitads 16:00