Siglir tar il cuntegn
cuntegn

Exteriur USA: Memia bleras plazzas da lavur novas

En ils Stadis Unids da l'America datti memia bleras plazzas da lavur novas. L'augment da las plazzas da lavur stoppia vegnir franà ils proxims onns sin ina dimensiun supportabla, ha ditg in represchentant da la banca naziunala americana.

Um che lavura en ina fabrica da textil en ils Stadis Unids da l'America.
Legenda: L'avrigl han fatschentas e stadì stgaffì 211'000 plazzas da lavur en ils Stadis Unids da l'America. Keystone

Per dar schlantsch a l’economia americana era il plan da stgaffir 80'000 fin 100'000 plazzas mintga mais. L’avrigl han firmas ed il stadi però emploià en tut passa 200'000 collavuraturs, bler dapli che spetgà. La quota da dischoccupaziun è cun 4,4% uschè bassa sco bunamain 10 onns betg pli.

Il president Donald Trump ha empermess en il cumbat electoral dad esser il president che stgaffeschia las pli bleras plazzas da lavur. La schefa da la banca naziunala americana ha dentant er punctuà ch'ella na laschia betg tiers che la conjunctura vegnia promovida memia fitg. Sch'i fetschia da basegns vegnia ella a persequitar ina politica da devisas fitg agressiva.

RR novitads 11:00