Siglir tar il cuntegn

Header

cuntegn

Exteriur USA: Fiat Chrysler sut squitsch

Il concern d’autos Fiat Chrysler sto installar novs programs en passa 100’000 autos da diesel en ils Stadis Unids da l’America.

L’autoritad per l’ambient suspectescha ch’il concern d’autos Fiat Chrysler haja manipulà las valurs da svapur e cunquai cuntrafatg a la lescha per il mantegniment da l’aria pura. Probabel sa tractia quai da software manipulada per la controlla da las emissiuns da svapur. Ils autos produceschian dapli substanzas nuschaivlas che lubì. Fiat Chrysler refusa las reproschas.

Controllas a l'engronda

Suenter il scandal da svapur tar il concern d’autos Volkswagen han ils Stadis Unids cumenzà ad examinar era auters autos. La consequenza da questa examinaziun èn ussa las reproschas cunter Fiat Chrysler. I va per 104'000 vehichels champesters da Chrysler ch’èn vegnids vendids dapi l’onn 2014. Tenor interpretaziun da las autoritads n’ha il concern betg annunzià questa tecnologia.

RR novitads 08:00

Artitgels legids il pli savens