Siglir tar il cuntegn

Header

cuntegn

Exteriur USA: Er Sessions vul – il minister da giustia dat pled e fatg

En l'affera davart la rolla da la Russia en il davos cumbat electoral american datti ulteriur moviment. Il minister da giustia american - Jeff Sessions - vul dar il mardi pled e fatg avant la giunta dal senat american.

En ina charta sa referescha Sessions a l’audiziun dal schef relaschà dal FBI James Comey da l’emna passada. En quella audiziun aveva Comey reproschà al president american Donald Trump, ch'el haja relaschà el per impedir investigaziuns tar la rolla da la Russia durant il cumbat electoral.

Trump e Sessions na paran betg pli dad esser buns amis

Sessions, in intimus da Trump, aveva communitgà dad avair s’inscuntrà l’onn passà duas giadas cun l’ambassadur russ. Perquai na saja el betg imparzial en chaussa. Sinaquai ha il Ministeri da giustia american nominà a l’anteriur schef dal FBI Robert Mueller sco investigader spezial.

Quai haja engrevgià la relaziun tranter Trump e Sessions, scriva l’agentura da novitads svizra SDA.

La dumonda resta: Ha Moskau ni ha Moskau betg?

Ils servetschs secrets americans rinfatschan a la Russia dad avair influenzà il cumbat electoral american en favur da Trump. Moskau dementescha quai decisamain.

RR novitads 06:00+

Artitgels legids il pli savens