Siglir tar il cuntegn
cuntegn

Exteriur USA engrazia a la Svizra per la protecziun

Il glindesdì scada il mandat da protecziun da la Svizra per ils Stadis Unids a Havanna, quai suenter 54 onns. A partir da glindesdi reprendan la Cuba ed ils Stadis Unids puspè relaziuns diplomaticas directas.

bajetg da 7 auzadas davos ina saiv
Legenda: Il bajetg, nua che l'ambassada americana a Havanna avra glindesdi che vegn; l'ambassada svizra è era là. Keystone

En in scriver al cusseglier federal Didier Burkhalter, haja il minister da l'exteriur american John Kerry engrazià a la Svizra per il servetsch. Quai communitgescha l'ambassada svizra a Washintgon.

Sin il cenit da la guerra fraida avevan ils Stadis Unids interrut lur relaziuns cun la Cuba e dumandà la Svizra da surpigliar in mandat da protecziun.

RR novitads 06:00