Siglir tar il cuntegn
Inhalt

Exteriur USA e Russia vulan coordinar lur attatgas en la Siria

Ils Stadis Unids da l’America e da la Russia vulan coordinar meglier lur attatgas or da l’aria en la Siria. Experts militars russ ed americans duain coordinar uschè spert sco pussibel las attatgas, han ditg ils ministers da l’exteriur John Kerry e Sergey Lawrow a New York.

Barack Obama e Wladimir Putin cun lur ministers da l’exteriur.
Legenda: Barack Obama e Wladimir Putin cun lur ministers da l’exteriur. Reuters

Discurs da coordinaziun pudessi gia dar oz per uschia evitar ch’ils Stadis Unids da l’America e la Russia vegnia en pes in a l’auter tar lura attatgas cunter las melissas da terrur dal Stadi islamic.

«Sche la Russia attatga propi la milissa da terrur Stadi islamic, alura beneventain nus talas attatgas», ha accentuà Kerry. Las attatgas da la Russia eran vegnidas crititgadas. La Russia n’haja betg mo attatgà la milissa da terrur Stadi islamic, ha ditg il minister da defensiun american Ashton Carter.

Burhalter vul evitar ina concurrenza militara

Il Cusseglier federal Didier Burkhalter è curt suenter las emprimas attatgas da la Russia en Siria sa mussads preoccupads. Tenor Burkhalter saja d’evitar ina concurrenza tranter differentas operaziuns militaras en Siria. Perquai ha Burkhalter proponì da stgaffir ina gruppa da contact cun la Russia, ils Stadis Unids da l’America e represchentants da la regiun sco l’Iran e l’Arabia Saudita.

RR novitads 07:00