Ils Stadis unids tramettan in bastiment da guerra en la vischinanza da las inslas dispitaivlas en la mar sid-kinaisa. Il devastader "USS Lassen" vegnia a patrugliar ils proxims dis en la regiun, hai num ord tschertgels da la regenza.
Las inslas artifizialas vegnan actualmain schlargiadas da la China. Lezza pretenda che las inslas appartegnian ad ella. Ils Stadis Unids perencunter vesan la regiun sco auas internaziunalas. La Mar sidchinaisa vala sco via maritima strategicamain impurtanta sur la quala radund in terz da l'ieli da l'entir mund vegn transportà.
