Suenter l'assagl d'aderents da Donald Trump sin il Capitol vulan ils Democrats instradar gia quest glindesdi ina nova procedura per relaschar Donald Trump ord l'uffizi. Quai ha il deputà da la California, Ted Lieu ditg envers l'emettur CNN. Ins preferissi dentant sche Trump sa retirass sez u ch'il vicepresident Mike Pence instradass la relaschada.
Lieu è coautur dal sboz da resoluziun che porta plant cunter Trump. En quest sboz vegn pretendì che Trump haja instigà ses adherents d'assaglir il Capitol. Trump vegn taxà sco privel per la segirtad naziunala. El fiss l'emprim president american, cunter il qual i fiss vegnì instradà gist 2 impeachements.
