Siglir tar il cuntegn
cuntegn

Exteriur USA decida sancziuns encunter la Russia

La regenza americana ha decidì sancziuns cunter la Russia pervi da l'influenza supponida sin las elecziuns dal presidi dals Stadis Unids. Las mesiras da chasti sa drizzan cunter 19 persunas e 5 organisaziuns, uschia communitgescha il ministeri da finanzas american.

Donald Trump che discurra avant microfons.
Legenda: Il president Donald Trump è adina sa retegnì cun s'exprimer davart l'influenza pussaivla da la Russina sin las elecziuns. Keystone

Pertutgads sajan pliras persunas dal servetsch secret russ. Il ministeri american ha declerà ch'il servetsch secret ed er il militar russ sajan stads involvids directamain tar l'influenza da las elecziuns americanas.

Il congress aveva gia la stad passada deliberà in pachet da sancziuns ed uschia mess sut squitsch il president Donald Trump. Il president era adina sa retegnì pli fitg ch'auters commembers da sia regenza cun s'exprimer davart l'influenza russa.

RR novitads 17:00