USA: Concerns gronds na duain betg mitschar pli da la taglia

Il ministeri da finanzas american ha decis novas prescripziuns. Cun questas duai esser pli difficil da far diever da trics fiscals legals.

La fatschada davant dal ministeri da finanzas a Washington.

Legenda da maletgs: Il ministeri da finanzas a Washington. Keystone

Ils Stadis Unids da l’America vulan far fin cun las pussaivladads per concerns gronds da mitschar da la taglia. Pertutgads èn concerns internaziunals sco Apple, Amazon u er McDonalds.
Fin ussa han ils Stadis Unids attribuì a tals concerns taglias ch’els avevan pajà en l’exteriur. Quai na duai ussa betg pli esser pussaivel.

La fin d'avust aveva la cumissiun da l'UE cupitgà la cunvegna da taglia dispitaivla che la firma Apple aveva fatg cun l'Irlanda. L'Irlanda era vegnida sfurzada da pretender enavos taglias en l'autezza da radund 13 milliardas. L'Irlanda aveva concedì privilegis da taglia ad Apple che sajan illegalas.

RR novitads 12:00