Siglir tar il cuntegn

Header

cuntegn

Exteriur USA: Attenziun, Corea dal Nord!

Las attatgas ord l’aria cunter il militar sirian en era in avertiment ad auters pajais sco per exempel la Corea dal Nord, ha ditg il minister dal exteriur american Rex Tillerson.

La situaziun tar la Corea dal Nord saja evidenta, la finamira principala saja da bandischar las armas atomaras da la peninsla Coreana. Quai ha Rex Tillerson ditg a l’emettur american ABC.

En in’autra intervista cun l’emettur da televisiun CBS ha Tillerson ditg, ch’er il president chinais Xi Jinping saja da l’avis, che la situaziun en la Corea dal Nord saja sa pegiurada.

Il president american Donald Trump veglia prest examinar co reagir sin il privel tras rachettas nordcoreanas, ha agiuntà il cussegliader naziunal da segirezza da la regenza americana, H.R. McMaster.

En Siria fa Trump responsabla la regenza da Baschar al-Assad per in’attatga cun gas toxic sin il territori dals rebels. Perquai aveva Trump ordinà l’emna passada in’attatga ariana sin l’armada dad al-Assad.

RR novitads 06:00+

Artitgels legids il pli savens