Siglir tar il cuntegn
Inhalt

Exteriur USA: Andrew Puzder na daventa betg minister da lavur

Il president american Donald Trump ha da magunar in'ulteriura schleppa. Andrew Puzder, ch'era previs per il post dal minister da lavur, ha retratg sia candidatura. Quai rapportan differents meds da massa sa referind a la Chas'alva.

Andrew Puzder na fa betg part dal cabinet dal president dals Stadis Unids.
Legenda: Andrew Puzder na fa betg part dal cabinet dal president dals Stadis Unids. Keystone

L’interprendider Puzder è sa retratgs suenter gronda critica tant da vart dals democrats sco era da vart dals republicans en il senat.

Sco manager d'ina chadaina da fast food era el s'exprimì vehementamain cunter regulaziuns ed ina paja minimala.

Avant curt aveva Puzder confermà d'avair engaschà blers onns ina dunna migranta che sa chattava illegalmain en ils Stadis Unids.

RR novitads 06:00