Trump sa referescha sin ina contribuziun dal emettur Fox News nua ch'i vegn tematisà ch'ils 100’000 fugitivs en Svezia hajan procurà per dapli criminalitad. Per tge emissiun ch’i mava exact n’ha el dentant betg tradì. Plirs experts da la Svezia han uss refusà questas tesas ed annunzià talas pretaisas na sajan betg correctas.
Tge succeda en Svezia?
Il president american Donlad Trump ha en ses pled da sonda saira ditg «Guardai tge che succeda en Germania, guardai tge ch’è capità ier saira en Svezia» ed ha lura numnà lieus d’attatgas sco Brüssel, Nizza e Paris.
Smirvegl en Svezia
Che Trump ha numnà la Svezia en quest connex è vegnì recepì en Svezia cun smirvegl ed umor. L’anteriur minister dals affars externs, Carl Bildt, ha dumandà via twitter: «Svezia? Attatga da terror? Tge ha el fimà?».
RR actualitad 12:00