Siglir tar il cuntegn

Header

cuntegn

Exteriur USA: Accusà policista pervi da mazzament

En la citad Tulsa, Oklahoma aveva ina policista sajettà giu avant paucs dis in afroamerican che n'era betg armà.

Tenor la Procura publica saja vegnì relaschà in cumond d'arrest cunter la policista. Ad ella vegn rinfatschà d'avair sajetta giu venderdi passà in um da 40 onns sin ina via a Tulsa. Il cas è vegnì filmà da cameras da la polizia.

Tenor inquisiziun ha la policista ditg ch'ella sa sentiva periclitada, malgrà che l'um n'era betg armà.

Paucs dis suenter quest mazzament a Tulsa avevi er dà in mazzament a Charlotte, North Carolina. Tenor la polizia era quest um armà. Tenor sia famiglia e ses vischins purtava el in cudesch sut bratsch. El eri vi da spetgar sin ses figl che vegniva cun il bus da scola. Suenter quest mazzament hai dà grevs tumults a Charlotte. In giuven da 26 onns era vegnì tutgà s'in sajet. El è mort la gievgia en l'ospital. Las autoritads din dentant che betg la polizia haja sajettà. La gievgia saira ha la presidenta da Charlotte ordinà in scumond da sortir pervi da novs protests. Avant aveva il guvernatur proclamà stadi d'urgenza per questa citad.

RR novitads 6:00

Artitgels legids il pli savens