Siglir tar il cuntegn

Exteriur USA - 15 mia per dar adia a Keystone XL

La societad da pipeline canadaisa TransCanada pretenda da la regenza americana ina remuneraziun da 15 milliardas dollars pervi dal stop dal project da pipeline dispitaivel Keystone XL.

Obama cun pass frnac davant in mantun pipielines.
Legenda: Dar adia a la pipeline «Keystone XL» - quai aveva il president american Barack Obama gia tematisà durant ses cumbat electoral. Keystone
Sterling parta dad in conferenza da medias.
Legenda: La TransCanada vul 15 milliardas dals Stadis Unids - Russ Girling è il CEO da TransCanada. Keystone

En il plant argumentescha TransCanada che la refusa da terminar la pipeline na saja betg giustifitgada tenor la cunvegna da comerzi liber nordamericana, Nafta.

La pipeline Keystone XL avess gì da transportar ieli criv davent dal stadi canadais Alberta entras ils Stadis Unids enfin las raffinarias texanas sper il Golf da Mexico.

Il president american Barack Obama aveva decidì il november passà ch'il plan na saja betg en interess dals Stadis Unids e quai pervi da dubis davart la protecziun dal clima. Obama revegn uschia ad in project ch’el aveva gia tematisà en ses cumbat electoral l’onn 2012.

RR novitads 06:00