Siglir tar il cuntegn
Inhalt

Exteriur Uniun sindicala svizra – rinforzar l’AVS

En ina communicaziun declera l’Uniun sindicala svizra che l’AVS na saja betg mo en la constituziun l’emprima pitga, mabain era en la realitad. Perquai cusseglia l’uniun da rinforzar l’AVS ils 24 da settember 2017 cun in gea a l’urna.

Quatter pensiunads sin in banc.
Legenda: Rinforzar l'AVS. Keystone

L'Uniun sindicala svizra sustegn il provediment da vegliadetgna 2020.Tenor communicaziun giaja ils 24 da settember per tschentar ils binaris da principi. La dumonda saja, schebain l'AVS possia vegnir segirada e sch'i dettia in meglierament da las rentas novas.

La situaziun da partenza saja la medema sco avant decennis, cura che l'AVS saja vegnida introducida. Las associaziuns economicas sajan cunter in meglierament da l'AVS, sco quai ch'ellas sajan gia stadas lezza giada cunter l'introducziun da quella. Mo l'AVS saja oz ina da las pli impurtantas novaziuns da la politica interna da la Svizra moderna.

RR novitads 17:00