Ils sis pajais commembers ston sa responsar avant il Tribunal europeic. Quai han communitgà las autoritads a Brüssel. Ils stadis pertutgads hajan gì avunda ultimas schanzas da midar insatge ils davos 10 onns, uschia il cumissari per l'ambient Karmenu Vella.
Ils pajais n'hajan betg preschentà plans suffizients per cumbatter la polluziun da l'aria. La Germania, la Frantscha e la Gronda Britannia hajan ignorà limitas per oxids fixadas da l'UE. L'atgisa augmenta uss il squitsch cunzunt sin la regenza tudestga ed er sin l'industria d'autos.
RR novitads 15:00