Uss ston ils utilisaders vegnir infurmads sche datas persunalas sco nums, adressas dad e-mail ed ulteriuras infurmaziuns vegnan rimnadas, scrivan las agenturas da novitads. Quai vul dir, firmas, uniuns ed er uffizis ston infurmar ils utilisaders tge datas che vegnan rimnadas e daco. Ultra da quai ston ins adina dar il consentiment sche datas persunalas vegnan rimnadas.
En Svizra èn tenor indicaziuns da la federaziun tetgala d’economia Eeconomiesuisse surtut purschiders da plattafurmas online ed interpresas d’export pertutgads da las midadas. I tanscha numnadamain gia d'esser suttamess el nov dretg sch'ina firma che na sa chatta betg en l'Uniun europeica venda insatge ad insatgi en l'UE.
Sch'insatgi cuntrafa a la nova lescha po quai dar chastis fin a 20 milliuns euros u fin a 4% da la svieuta ch'ina fatschenta fa durant in onn sin l'entir mund.
RR novitads 06.00
