Exteriur - UNHCR undrescha 2'000 Grecs per gidar fugitivs.
Il premi da Nansen 2016 va en Grezia. Sco quai che l'ovra d'agid da las Naziuns Undias UNHCR scriva, survegnian il premi 2'000 voluntaris che gidian fugitivs a las rivas greccas.
Il UNHCR Nansen Refugee Award undrescha merits extraordinaris en connex cun persunas ch'èn vegnidas stgatschadas a moda violenta. Tranter auter han Eleanor Roosevelt, Graça Machel e Luciano Pavarotti gia survegnì il premi.
Il premi vegn surdà l'emprim d'october a Genevra.
Millis da persunas sajan vegnidas salvadas il 2015 entras la squadra da salvament maritim da la Grecia (Hellenic Rescue Team) che cumpiglia 2'000 comembers.
Plinavant survegn l'activista per dretgs da l'uman Efi Latsoudi il premi da l'autcumissariat da las Naziuns Unidas per ils fugitivs (UNHCR). Ella ha creà in refugi segir per millis da fugitivs sin Lesbos.
