UNHCR pretenda d'integrar pli spert ils fugitivs

L'ovra d'agid per fugitivs da l'ONU, l'UNHCR, pretenda in'integraziun ad ura da novs fugitivs. Quai sco consequenza dals abus sin dunnas a Cologna.

bandiera unhcr

Legenda da maletgs: Purtret simbolic: Tenor l'UNHCR mussa la violenza da Silvester a Cologna che l'integraziun giaja memia plaun. Keystone

Ils rapports davart quests abus la notg da Silvester sajan snuaivels, ha ditg la represchentanta da l'UNHCR en la Germania, Katharina Lumpp, envers la gasetta «Frankfurter Rundschau». Ils schabetgs mussian ch'i dettia gruppas socialmain distatgadas, e societads parallelas senza in'integraziun suffizienta. La clav per l'integraziun sociala ed economica saja ch'ils fugitivs possian sa proveder sez tant pli spert, uschia Lumpp.

RR novitads 08:00