Siglir tar il cuntegn
Inhalt

Exteriur Ungaria – proteger il cunfin cun schuldada è in’opziun

L'Ungaria examinescha in servetsch da l'armada al cunfin en il sid, per tegnair davent l'unda da fugitivs.

Schuldada ungaraisa montescha fildarom.
Legenda: L’armada ungaraisa na duai betg mo montar fildarom a lung da ses cunfin en il sid. Keystone

Sco la regenza ungaraisa communitgescha, vegnia il parlament a sa cussegliar l'emna che vegn en chaussa. Il pajais da l'Uniun europeica erigia il mument ina saiv da 175 kilometers lunghezza per lung dal cunfin cun la Serbia. Uschia vul il pajais evitar che fugitivs entrian en il pajais. La regenza ha gia engaschà millis da policists per franar l'unda d'immigraziun.

Blers fugitivs cunzunt da l’Asia emprovan da cuntanscher il nord e il vest da l'Europa sur l'Ungaria ed ils ulteriurs pajais dal Balcan.

RR Novitads 12:00