Siglir tar il cuntegn
Inhalt

Exteriur Ungaria erigia champs da tendas per fugitivs

L'Ungaria na vul nagins alloschis per fugitivs pli en territoris abitads.

Ina gruppa da migrants ch'è s'installada a l'entrada d'ina staziun sutterrana.
Legenda: Ina gruppa da migrants ch'è s'installada a l'entrada d'ina staziun sutterrana. Keystone

Ins vegnia a spustar ils alloschis or da las citads en regiuns perifericas ed eriger là champs da tendas, ha declerà il pledader dal ministeri da l'intern. In da quests champs duai vegnir endrizzà al cunfin tar la Serbia. Uschia na vegnia la populaziun betg disturbada da la massa da fugitivs.

Passa 80'000 fugitivs

Las autoritads ungaraisas han dumbrà quest onn radund 81'000 fugitivs ch'èn entrads illegalmain en il pajais. La gronda part dals fugitivs èn oriunds da l’Irac, da l’Afghanistan, da la Siria e dal Cosovo. Blers dad els vulan cuntinuar lur viadi en l'Austria u la Germania.

RR novitads 08:00