Siglir tar il cuntegn

Exteriur Unesco: cruscheras mettan en privel patrimoni cultural

L'Unesco fa attent sin las consequenzas negativas da cruscheras.

Bastimnent da cruschera.
Legenda: Citads istoricas na sajan betg fatgas per tants turists en ina giada. (maletg simbolic) Keystone

Il turissem da cruscheras fetschia donn al patrimoni cultural, ha l'organisaziun globala per il patrimoni cultural (Unesco) avertì.

Tenor l'organisaziun mundiala dal patrimoni cultural mundial dettia problems cun la polluziun da l'ambient entras ils bastiments e cun il «surturissem». La branscha da cruscheras stoppia s'engaschar pli fitg per proteger il patrimoni cultural. In emprim pass saja da sviluppar bastiments pli schubers.

Els donnegian ils lieus a quels ch'els pon engraziar lur fatschenta.
Autur: Mechtils RösslerDirectura da l'Unesco

Citads istoricas betg fatgas per tants turists

Cunzunt en la citad da Venezia saja la situaziun critica. Ils gronds bastiments chaschunian grondas undas e quellas possian far donns vid ils edifizis. L'Unesco considerescha da metter Venezia sin la glista naira da las citads ch'èn periclitadas.

Ma era autras citads istoricas pateschian sut il grond dumber da turists. Questas citads na sajan betg fatgas per tants turists en ina giada.

RR novitads 14:00