Exteriur - Unda da persecuziun cunter advocats en la China
L'unda da persecuziun cunter advocats en la China ha pli grondas dimensiuns che quai ch'ins aveva pensà fin ussa. Dapi venderdi sajan 146 advocats da dretgs da burgais, collavuraturs da chanzlias ed activists vegnids arrestads u ch'els sajan svanids.
Quai rapporta ina gruppa d'advocats per dretgs umans da Hongkong. 124 persunas sajan puspè libras; 10 sajan anc adina arrestadas e 12 valian anc sco sparidas e na possian betg vegnir cuntanschidas. Il prim aveva l'organisaziun per dretgs umans discurrì da 100 advocats arrestads.
