Siglir tar il cuntegn

Exteriur Um charrescha en centrala da partida da SPD a Berlin

La damaun marvegl è in um charrà en la centrala da la partida SPD a Berlin. Latiers haja l'um deponì ina tastga cun materialias inflammablas davant la centrala da la partida CDU, uschia la polizia.

L'auto demollà en la chasa Willy-Brandt.
Legenda: L'auto haja entschet a brischar. In indriz automatic da stizzar haja dentant pudì stidar il fieu immediatamain. Keystone

Blessads n'hai betg dà. La polizia suppona ch'i sa tractia probabel dad in'emprova da suicid. Era na dettia nagins indizis per in'attatga. La polizia ha prendì en fermanza l'um da 58 onns datiers da ses auto. Suenter ha la polizia purtà l'um cun ina blessura sanguinusa dal chau en l'ospital.

Daco che l'um saja charrà en la centrala da partida da la SPD e deponì materialias inflammablas davant la centrala da partida da la CDU vegn anc intercurì. Quai ha ditg ina pledadra da la polizia vers l'agentura da novitads AFP. Auters bajetgs da partidas a Berlin na sajan betg pertutgads da tals incidents.

RR novitads 14:00