Exteriur - Um attatga 3 guardians da cunfin a New Orleans
Al port aviatic da New Orleans ha in um attatgà 3 guardias da cunfin cun ina machetta ed in vapurisader. Ina funcziunaria saja blessada al bratsch, ha declerà il scherif Newell Normand.
In policist haja sajettà sin l'attatgader. L'um saja sinaquai vegnì transportà en l'ospital. Ils passagiers d'aviun stevan en retscha per laschar controllar lur carta d'access a bord cura che l'attatga è succedida. Pertge che l'um ha attatgà las guardias da cunfin sto anc vegnir sclerì.