Siglir tar il cuntegn
Inhalt

Exteriur Ulteriuras sancziuns cunter la Venezuela

Suenter la reelecziun da Nicolás Maduro sco president, vul Donald Trump anc ina giada rinforzar las sancziuns.

Ina bandiera da la Venezuela en l'aira.
Legenda: Donald Trump annunzia ulteriuras sancziuns per la Venezuela suenter la reelecziun da Maduro sco president. Keystone

Sco reacziun sin la reelecziun dal president da la Venezuela Nicolás Maduro han ils Stadis Unids communitgà ulteriuras sancziuns cunter il pajais. Il president american Donald Trump ha signà ier in decret che duai agiuntar las sancziuns americanas gia instradadas.

Uschia duai en futur esser scumandà ad interpresas ed a burgais americans da segidar cun las autoritads da la Venezuela per vender investiziuns e possess. Cun quellas sancziuns duai vegnir evità che la regenza da la Venezuela vegn tar daners novs, han declerà ils responsabels.

La cumissiun electorala aveva communitgà ier che Maduro ha fatg radund 68% da las vuschs, l’opposiziun rinfatscha ad el d’avair cumprà vuschs.

RR novitads 06:00