Siglir tar il cuntegn
Inhalt

Exteriur Ulteriur ferm terratrembel en la Grezia

La notg da venderdi sin sonda ha la terra danovamain stremblì en l'ost da las Inslas Egeicas cun ina fermezza da 4,7. L'epicenter è stà en il sid da l'insla Lesbos.

Ils terratrembels dapi glindesdi han chaschunà gronds donns en la regiun da l'insla Lesbos.
Legenda: Ils terratrembels dapi glindesdi han chaschunà gronds donns en la regiun da l'insla Lesbos. Keystone

Sco il servetsch seismologic mediterran-europeic ha communitgà è l’epicenter stà quasi en il medem lieu sco gia tar il terratrembel da glindesdi passà. Quel ha gì ina fermezza da 6,4 sin la stgala da Richter.

Il terratrembel da glindesdi aveva fatg gronds donns. Ina persuna era morta. Dapi il terratrembel da glindesdi passà n’è la regiun betg pli vegnida tar ruaus. Dapi lura hai dà pliras pitschnas stremblidas da la terra.

Plinavant hai er dà en il sidost da la mes-insla grecca Peloponnes in terratrembel. Quel ha gì ina fermezza da 4,8 ed è stà da sentir er ad Athen ch'è bun 100 km davent da l'epicenter.

RR novitads 10:00